Mynd: www.hestafrettir.is 

Það getur verið skemmtilegt að fylgjast með hestum sem seldir hafa verið í gegnum vefinn í keppnum, en nokkrir þeirra skutu upp kollinum á síðasta Suðurlandsmóti.  Arnar Bjarki Sigurðarson og Vonandi frá Bakkakoti urðu Suðurlandsmeistarar í fimmgangi unglinga.  Vonandi kom í sölu til okkar síðastliðið haust og Arnar Bjarki búinn að vinna frábæra vinnu með þannan hest.  Kristall frá Múla var seldur í vor en hefur ekki komist til síns heima vegna útflutningsbanns, hann var í úrslitum í Slaktaumatölti.  Spyrna frá Vorsabæ var seld í gegnum vefinn fyrir nokkrum árum síðan, er búinn að standa sig frábærlega í keppnum og verið í úrslitum á landsmóti í barnaflokki, núna farin að keppa í fimmgangni og var þar í úrslitum með eiganda sinn Rakel sem keppir í unglingaflokk.  Kúreki frá Vorsabæ var seldur í gegnum vefinn í vetur og var mættur í úrslit í fimmgangi 1. flokk, með eiganda sinn Þorvarð Friðbjörnsson.  Og fyrir töluverð mörgum árum síðan seldi Jói Öðling frá Langholti, sem varð Suðurlandsmeistari í slaktaumatöli unglinga.

 Á síðustu vikum hefur salan tekið kipp eftir frekar rólega tíð.  Okkur vantar því góð hross á söluskrá og ef þú lumar á slíku þá eru nokkrar leiðir til boði til að koma hrossinu á framfæri.

Þú getur t.d. komið með hrossið til okkar og við prófum það, tökum myndir og myndband og annaðhvort setjum það á netið eða eigum gögnin til, ef fólk er að leita af slíku hrossi.  Þessi leið er þér að kostnaðarlausu ef hrossið selst ekki, og ef hrossið selst eru greidd umboðslaun.

Tilviljanakennt var myndavélin á lofti í kringum Verslunarmannahelgina og eitthvað af myndum til.  Ég mun setja hér inn eftir hendinni brot af þeim bestu og einnig lista yfir þau hross sem ég á mynd af ef einhver rekst á nafn á sínu hrossi.  Á forsíðumyndinni er efsta hryssan í 4. vetra flokki.  Gæðingurinn Lísa frá Hrafnkelsstöðum, undan Orra frá Þúfu og 1. verðlauna Kolfinnsdótturinni Þrá frá Kópareykjum.

A.t.h. að allar myndirnar eru birtar á Facebook síðu Hest.is

Það er ekki oft sem maður sér feðgin að leik í hrossahóp.  En við vorum það ánægð með folaldið undan henni Bliku Óðsdóttir og Háfeta Hágangssyni að við héldum þeim saman aftur.  Það voru fagnaðarfundir og þau feðgin tóku á sprett saman og hlupu um hólfið full að aðdáun hvort til annars.