Tilviljanakennt var myndavélin á lofti í kringum Verslunarmannahelgina og eitthvað af myndum til.  Ég mun setja hér inn eftir hendinni brot af þeim bestu og einnig lista yfir þau hross sem ég á mynd af ef einhver rekst á nafn á sínu hrossi.  Á forsíðumyndinni er efsta hryssan í 4. vetra flokki.  Gæðingurinn Lísa frá Hrafnkelsstöðum, undan Orra frá Þúfu og 1. verðlauna Kolfinnsdótturinni Þrá frá Kópareykjum.

A.t.h. að allar myndirnar eru birtar á Facebook síðu Hest.is

Það er ekki oft sem maður sér feðgin að leik í hrossahóp.  En við vorum það ánægð með folaldið undan henni Bliku Óðsdóttir og Háfeta Hágangssyni að við héldum þeim saman aftur.  Það voru fagnaðarfundir og þau feðgin tóku á sprett saman og hlupu um hólfið full að aðdáun hvort til annars. 

Við fengum til okkar hóp af frábæru fólki sem lagði leið sína til Íslands til að fara í Hestaferð.  En þegar hrossin eru að skríða útúr veikindum var ekki mögulegt að leggja á þau margra klukkustunda ferðalag og því þurfti að breyta ferðinni örlítið.  Reiðtúrarnir voru stuttir og bíltúrarnir lengri.  Það kom þó ekki að sök enda margt að skoða í frábæru veðri og hópurinn fór glaðbeyttur heim eftir að hafa heimsótt meðal annars svæðið umhverfis Eyjafjallajökul, Gullfoss og Geysi, Vestmannaeyjar, Hvalfjörðinn og auðvitað Reykjavík.

The first horses are already presented here on the site but on this video you can see them all at once.